Ái! Wednesday 13 December, 2006
Posted by Jón Hafsteinn in Fótbolti.add a comment
Ég er með hryllilegar harðsperrur. Ég tók nefnilega upp á því í gær að fara á fótboltaæfingu hjá Øresundskollegiets Fodboldklub og taka á öllu sem ég átti (til þess að vera ekki langlanglanglélegastur!) í skítakulda sem gerði strax að engu allt sem hét upphitun. Ég er ennþá algerlega búinn að vera! Þetta félag er með sex (mjög misgóð) lið í Kaupmannahafnarhluta dönsku utandeildarkeppninnar svo það ættu að vera sæmilegir möguleikar á að fá eitthvað að spila einstöku sinnum. Nú er bara að sjá hvernig gengur!
Spurning: Monday 11 December, 2006
Posted by Jón Hafsteinn in Trompet, Tónlist.add a comment
Hvað gerist þegar trompetleikara og organista er sleppt lausum í stórri nótnabúð í París?
Svarmöguleikar:
a: Þau kaupa ekki neitt, bara skoða.
b: Þau kaupa eitt lítið verk.
c: Þau kaupa nokkur lítil verk eða kannski eitt stærra.
d: Þau kaupa alla búðina…
Aukaspurning:
Hvern langar að búa í íbúðinni beint fyrir ofan orgelið (Danska kirkjan í París er með íbúðum fyrir starfsfólk kirkjunnar) þegar þau sleppa sér alveg í að spila í gegn um bunkann?
Tónleikar:) Og París:) Wednesday 6 December, 2006
Posted by Jón Hafsteinn in Almennt, Staka.add a comment
Nú er ég að leggja af stað í Samuelskirke þar sem Staka og Mpiri (færeyskur kór) halda sameiginlega jólatónleika klukkan 20:00. Og svo þarf ég að fara heim og pakka niður því í fyrramálið flýg ég til Parísar og ætla að vera þar yfir helgina:) Guðný á nefnilega afmæli á morgun svo það er alveg nauðsynlegt að drífa sig í heimsókn:):):):)
