Það þarf ekki að taka það fram að ég er í Leeds United bol í dag, og hef hugsað mér að halda því áfram næstu daga.  Það er nóg af ManUre stuðningsmönnum að vinna með mér…

Svona á að stinga á blöðrunni hjá þessum drullusokkum!  Snilldarlegur leikur!

Sex árum eftir að Leeds United fóru nánast á hausinn og féllu niður um tvær deildir í framhaldinu mæta þeir þeim ömurlega ruslaralýð sem kallast Manchester United.  Ég ætla engu að spá um úrslit leiksins, mig grunar að það verði einum of niðurdrepandi, en það mun koma mér stórlega á óvart ef ekki brotna bein.  Það að bæði lið klári með 11 leikmenn myndi flokkast undir kraftaverk.  Þessi lið HAAATAAAA hvort annað!

Þótt ég hafi gert það í síðustu færslu líka ætla ég að endurtaka óskir um gleðilegt ár til allra sem lesa þetta.  Gærkvöldið var sérlega skemmtilegt, allir átu á sig gat af hamborgarhrygg og ís (mmmmmmm…), furðuðu sig á því hvað skaupið var lélegt og svo var sprengt!  Ef einhver skyldi ekki vita það þá er ég sú manngerð sem myndi (ef ég hefði efni á svoleiðis spreðeríi) sprengja flugelda fyrir mörg hundruð þúsund um hver áramót án þess að depla auga.  Þetta er rosalega gaman og svo er það líka staðreynd að ef maður kaupir flugeldana af björgunarsveitunum er engin ástæða til að hafa samviskubit yfir peningunum sem óneitanlega er kveikt í.  Björgunarsveitirnar hafa í raun enga aðra fjáröflun en flugelda og jólatré og þeim veitir ekkert af peningunum svo þær geti verið almennilega búnar undir það að æða út í blindbyl til að sækja fólk sem klikkaði á að athuga hvort væri fært yfir heiðina.  Eða fólk sem datt ofan í jökulsprungu eða kom sér í þaðan af verri vandræði.  Eða að festa niður þakplötur í manndrápsveðrum.  Mér finnst einfaldlega sjálfsagt að styðja svoleiðs starf, sérstaklega þegar stuðningurinn fer fram á svona skemmtilegan hátt!

Í kvöld skal bombað gríðarlega!

Þótt seint sé óska ég öllum sem lesa þessa færslu gleðilegra jóla!  Við erum stödd á Ísafirði í tilefni af níræðisafmæli afa á morgun og gistum í Sóltúni sem er best lýst sem dúkkuhúsi.  Og hér er allt á kafi í snjó, eins og á að vera á jólunum!

Ég var að setja upp Ubuntu 9.10 á vinnutölvunni, eftir að Windows krassaði í morgun með Blue Screen of Death.  Veseni lokið!

Fyrir þá sem nota tölvuna fyrst og fremst til að halda utan um og vinna með myndir, video eða hljóðskrár en vilja samt geta gert allt sem hægt er að gera í Windows eða Mac OS er um að gera að líta á Ubuntu Studio. Allt sem er “undir húddinu” er stillt sérstaklega til að vinna vel með þessar gerðir af skrám, með í pakkanum er hellingur af mjög öflugum tólum fyrir þessa vinnslu og allt heila klabbið kostar ekki krónu frekar en (næstum öll) önnur Linux stýrikerfi. Linkur er hér fyrir þá sem vilja skoða þetta betur.

Hér er verið að baka bæði vanilluhringi og piparkökur í hundraðatali!  Mmmmmmmm…  Það er ekki nokkur spurning að þessi jólin verður nóg til af smákökum til að belgja sig út af!

Það er alveg ótrúlega góð tilfinning að vita af nýjum smákökum heima! Guðný er snillingur að baka…